प्रचण्डको हङकङमा गैरआवासीय नेपालीहरूसित भेटघाट

एक दिनलामो हङकङ भ्रमणमा गएका एकीकृत नेकपा माओवादीका अध्यक्ष पुष्पकमल दाहाल प्रचण्डले बिहीबार हङकङमा गैरआवासीय नेपाली र आफ्ना दलका समर्थकहरूसित भेटघाट गरेका छन्।
डेढ महिनाको अवधिमा यो प्रचण्डको दोस्रो हङकङ भ्रमण हो।

उनी संगै विदेश विभाग प्रमुख कृष्णबहादुर महरा पनि हङकङ गएका थिए।

हङकङस्थित एकजना नेपाली पत्रकारका अनुसार बुधबार राती काठमाण्डूबाट विमान चढेका प्रचण्ड र महरा बिहान सवेरै हङकङ पुगेका थिए।

विमानस्थलबाट नेपाली महाबाणिज्यदूतावासको मोटर चढेर हङकङ शहर गएका उनीहरुले त्यहाँ होलिडे इन् होटलमा केहीबेर आराम गरेका थिए।

त्यसपछि उनीहरु नेपाल च्याम्बर अफ कमर्स र गैर आवासीय नेपाली संघ हङकङले आयोजना गरेको एक कार्यक्रममा सहभागी भएका थिए।

लगत्तै उनीहरु माओवादी सम्वद्ध जनसरोकार समिति हङकङले आयोजना गरेको कार्यक्रममा सहभागी भएका थिए।

प्रचण्ड र महराको बिहीबार राती नै काठमाण्डू फर्किने कार्यक्रम थियो।
bbc nepali

  Email this News          Viewers Comment